Сэтгэл зүрхээ дага!

Дэлхий сөнөсний дараа харь гаригийнхан хүн шиг зүрх сэтгэлтэй болсон робот хүүг дэлхийн далайн гүнд живсэн байхыг олно. Тэр далайн гүнд живсэн шидэт дагины баримлаас ээжийгээ гуйн хэдэн зуун жил суусан байдаг. Хүү тэдэнд ээжтэйгээ уулзуулж өгөх цорын ганц хүслээ хэлнэ. Робот хүүд үнэхээр зүрх сэтгэл үүсжээ. Тэр ээжтэйгээ нэг хоног л хамт байх эрх тэднээс авна. Энэ хэсэг кионы хамгийн сэтгэл хөдөлгөм оргил хэсэг байх. Үнэхээр зөгнөлт бас эмгэнэлт, гайхалтай кино. Робот хүүг хэн бүтээсэн бэ? Яах гэж гэдэг асуулт энэ киноны түлхүүр юм. Заавал бүтэн үзээрэй. Маш их гүнзгий утгатай кино.
 

Дэлхийн сонгодог кинонуудын нэгэнд зүй ёсоор ордог. Өнгө мөнгөний бохир заваан амьдралд хутгалдвал юугаар дуусдгийг гол нь ойлгож авна. Киноны үйл явдал хөрөнгөтний нийгмийн дагуулж ирсэн муу талуудыг бас харуулна. Хүүхэд наснаасаа найзалсан дөрвөн найзын нөхөрлөл юу болж дуусахыг үзээрэй. Бүхэл бүтэн хүний хувь тавиланг гайхалтайгаар харуулсан. Үнэхээр сонгодог кино. Киноны хөгжмийг киноны хөгжмийн "Бетховен" болох Ennio Morricone бичсэн. Хөгжим, үйд явдал, хэлэх гээд байгаа утга санаа тэр аяараа л үзсэн хүний сэтгэлд үүрд сургамж болон үлдэнэ.

Үзээгүй хүн байхгүй гэж найдаж байна. Хүмүүс маш үнэтэй, чамин хийцтэй алмаазыг далайн ёроолос хайж олох гэж Роза “хөгшнийг” тухайн осол болсон газар авчиржээ. Гэтэл тэр алмаазнаас үнэтэй түүхийг сонслоо гэж хэлнэ. Залуу та ч гэсэн агуу хайрыг өгүүлсэн энэхүү киноноос ухаарлын “алмаазыг” олоорой. Өөрийн хувь тавилангаа далайн боомтын нэгэн жижигхэн кафед шийддэг Жек үнэхээр залуу хүний амьдралын ээдрээ, эрх чөлөөний “амтыг” харуулсан. Түүний “Миний бүх юм надтай хамт явдаг” гэж хэлдэг нь хоосон үг биш шүү. Үүний эсрэгээр хувь тавилангаа хүнээр “зохиолгосон” хүнийг Розагаар дүрсэлжээ.